Num 27 | KYC | STEP |

Numbers 27

Mosesena Panda Josuame Nyinya Lao Rombo Palyiyami

(Du 31:1-8)

12 Kamongome Mosese kando lamaiyuo, Yuu Aparimi kyau dokona pulyuo papala nambame Isaraele wambu yuu mairu doko kando karape. 13 Kandaparene dokopa embena yangone Erone piyamo doko suu pyao enakana emba kumare. 14 Yuu muiyane Sene dokona nakamba laparaeme nambana pii doko kamba lao yanda pimwaiyambinyi dokona kumare. Meripa dokona wambu peparae mumu lao yanda pimwaiyaminyi dokopa embame nambana porainya renge doko wambu dupwa keta lasaka pyake nae, leya. (Meripa doko ipwa guu lenge yuu Katese doko yuu muiyane Sene dokona singi.)

15 Moseseme ateŋa lao, 16 Kamongo Anatu lete rengena renge kuiyuo karenge dokome akali mendeme embena wambu dupwa isako karara lao rombo palyepe lao leya. 17 Yanda pela paraminyi dokopa baame poraiyuo iso dopa pinya dapa pinya lao karara. Dokona lao embena wambu peparae mena sipisipi isingi akali kara nalyamopa ralo karenge dopakale ingya narami, leya.

18 Kamongome Mosese lamaiyuo, Nanena ikinyingi Josua keta Imambu palyuo akali mora petenge doko nyepala embena kingi doko banya kyawa dokona retare. 19 Retapala purisi Eliasa dee wambu peparaena lenge kambu dokona baa roya karena lare. Dokona karo wambu peparaeme sinya lao baame embena panda nyilyamo lao lamairi. 20 Isaraele wambu peparaeme baa laramuli pirami lao emba rangena porai dupwana lapo baa maipi. 21 Baame purisi akali Eliasana arapu dokona karo pii soo yulu pira. Dokopa Eliasame kana lama kingi Urimi dee Tumini lenge dolapome minyuo nambame aki mende piri lao suu pyao karo doko soo gisara. Dopa pyuo baame Josuamoo dee Isaraele wambu peparaepe nakamana yulu dupwana apa pyuo kararami lao mana lamaiyuo lasaka pira, leya. 22 Moseseme Kamongome lamaiyamuli pyuo piya. Baame Josua purisi akali Eliasa dee Isaraele wambu peparaena lenge kambu dokona roya karena lapala 23 Kamongome leyamuli pyuo banya kingi doko Josuana kyawa dokona reto nambana panda nyilyamo lao wambu dupwa lamaiya. ^{▼▼28:1—36:13Bange maingipi mena pyao kiso maingipi lapope enda dupwame pii lalu lao lengepe Isaraele wambu dupwa Mitiane wambu dupwa pyao anamasi minyiyaminyi dokope Urupenena rarape Gatena rarape Manasana rara wambu pakirena dupwape ipwa Jotane neta potemenge dorena nakamana yuu nyiyaminyi dokope kata anjukunya Isaraele wambu dupwa Isipi piso yuu Kenane epeyaminyi dokope Kenanena yuu liti dupwape yuu Kenane doko apa pyuo rara wakale wakale dupwa mokwa soo mairama lao leyaminyi dokope kote rolengepe dee moyange bange nyingipi dupwana lao pii palamo.}